සිංහල නට්සි රයිකය

Reich (රයික්) යනු ජර්මානුවන් සිය රාජ්‍යය සඳහා අතීතයේ යොදාගත් නාමයයි. රයික් යන්න සරල ලෙස රාජ්‍යය හෝ අධිරාජ්‍යය ලෙසද පරිවර්තනය කරගත හැක.

ජර්මන් පාර්මේන්තුවට ගිනිතබා, ප්‍රජාතන්ත්‍රවාදය විනාශකොට බලය අල්වාගත් නාසි පාලකයින් සිය රාජ්‍යබලය සුජාතකරගැනීම සඳහා නාසි ජර්මන් පාලනයට රයික් යන්න ආදේශකර ගත්තේය. ඒ අනුව ඔවුන් නට්සි පාලනය තුන්වන රයිකය (Third Reich) ලෙස නම්කොට ගත්තේය.  

සිය පාලනයට රයික් යන යෙදුම යොදාගැනීම නිසා නාසි පාලනයට රාජකීය තත්වයක් (royalty) ආරුඩකරගත හැකිවුන අතර නට්සීන්ට සිය අඥාදායක ෆියුරර් වරයා රාජකීය තත්වයට ඔසවාතබන්නට හැකිවිය.

අපේ රයිකය 

රාජපක්ශ ජනපතිවරයා බලයට පත්වුනු මොහොතේ පටන්ම ඔහුව රජාට ඇන්දවීමට බොහෝ පිරිස්, විශේෂයෙන්ම ඔහුගෙන් යැපෙන වන්දිභට්ටයින් හා දුටුගැමුණු යුගයක් ඇතිකරගැනීමට සිහින මවමින් සිටි හෙළ උරුම පුරාවිද්‍යා චක්‍රවර්තිලා උත්සහගත්හ. 


"කූඹින්නේ තොපටත් රජෙක් ඉන්නෙ, දැන්නම් අපිටත් රජෙක් ඉන්නේ" යනුවෙන් නිවට කතා කියමින්, "මහ රජාණෙනී.." යනුවෙන් සිංදු ලියවාගෙන ගැටිස්සියන් ලව්වා ගායනාකරවමින් සිය නිදහස පමණක් නොව රටේ සියලු ජනතාවගේ නිදහස හා අයිතිවාසිකම් පුද්ගලයෙකුට හා පවුලකට පාවාදීමට දතකන මේ කපටින් හා නිවටයින් නිසා අද අපේම කියා සිංහල බෞද්ධ (නියමාකාරයෙන් නම් සිංහල නාසී)  රයිකයක් බිහිවෙමින් පවතී.

අවුරුදු දහසේ රයිකය හා ඕනෑතරමක් ජනපති වීමේ ව්‍යවස්ථා සංශෝධනය 

පලමුවැනි ඔටෝ (Otto I, Holy Roman Emperor) ලෙස 962 වසරේ රෝමයේදී කිරුලුපලන් ජර්මන් රාජකීයයා පලමුවැනි රයිකයේ නිර්මාතෘවරයා වුනු අතර අති දක්ශ ජර්මන් යුධ සෙනෙවියෙකු වුනු බිස්මාර්ක් ගොඩනැගූ ජර්මන් අධිරාජ්‍යය (1888-1918) දෙවන රයිකයයි.

උපතින් ඔස්ට්‍රියානුවෙනු වුනු ඇඩෝල්ෆ් හිට්ලර් නම් ජර්මන් යුධහමුදාවේ හිටපු කෝප්‍රල්වරයා තුන්වෙනි රයිකයේ නිර්මාතෲවරයාය.

හිට්ලර් සිය තුන්වන රයිකය ජනතාවට හඳුන්වාදෙමින් කියාසිටියේ "අප ලෙයින් හා යකඩින් ගොඩනගන මේ තුන්වන රයිකය වසර දහසක් විරාජමාන වන සහශ්‍ර රයිකයක් වනු ඇති..." බවයි.

ජර්මනියේ අසහාය ආඥාදායකයා වුනු හිට්ලර්ට අවශ්‍යවූයේ අත්ලාන්තික් සාගරයේ සිට රුසියාවේ යූරල් කඳුවැටිය හා ස්ටෙප්ස් තණබිම් හරහා ඇලස්කාව අසල බේරිං සමුද්‍ර සංධිය වනතෙක් පැතිරුණු මහා ජර්මන් රයිකයේ ආඥාදායකයා ලෙස දිවි ඇතිතුරා අධිරාජ‍යයෙකු ලෙස විරාජමාන වී තවත් දක්ශ නට්සියෙකුට බලය පවරා එලොව යාමටයි.

සිය දිවි නසාගන්නට මොහොතකට පෙර සිය අනියම් බිරිඳවූ ඊවා බ්‍රෝන් විවාහකරගත් නිසා හිට්ලර්ට දරුවන් නොසිටියේය. එහෙයින් ඔහුගේ වෑයම වුනේ දරුවන් රජකිරීම නොව ජර්මන් ජාතිය නරකින්ම රාජකීය ජාතිය බවට පත්කිරීමයි.

අපේ රජතුමාත් කිලිනොච්චි විජයග්‍රහණයෙන් හා කොම්පියුටර් ජිල්මාට් ජයග්‍රහණයෙන් පසුව ඔහුගේම රයිකයක් නිර්මාණය කරමින් සිටින බව පෙනේ.

විපක්ශය නැති බංගස්ථාන කරමින් (මුදලට ගෙන, කොටවා හෝ සිරගතකොට ) සියලු විරුද්ධවාදීන් ජාතිද්‍රෝහීන් ලෙස හඳුවමින්, බුදු දහම විකෘතිකරන බෞද්ධ තලේබාන්ලාගේ ආශීර්වාද ලබමින්, වැඩිහරියක් මාධ්‍යවේදීන් අරලියගහ ෆියුරර්-බන්කරයේදී ගල් අරක්කු වීදුරුවකට හා කුකුල් කට්ටකට අවනත කරගෙන මේ යන්නේ රයිකයක් තනන්නට බව මොලය භාවිතාකිරීමේ පුහුණුවක් ඇති ඕනෑම කෙනෙකුට තේරුම්ගත හැක.

ඕනෑතරමක් අණපති පට්ටමට තරඟ කිරීමේ හැකියාව සිංහල නාසි න‍යාචාර්‍යවරුන්, බෞද්ධ තලේබාන් චීවරධාරීන් හා බලු ගැත්තන් (එනම් ඇමතිවරුන්, මංත්‍රීවරුන් හා හැටහුටාමාරක් උපදේශකයින් හා සංබන්ධීකරණ ලේකම් වරුන්) හරහා සාධාරණීකරණය කරමින් සිටින්නේ හිට්ලර් කලාක් මෙන්ම පාර්ලිමේන්තුව රබර් මුද්‍රාවක් යන තත්වයෙනුත් පහලට ඇද දමා පලාත්සභාවකටත් වඩා අඩු වැදගත් කමක් ඇති තැනකට ඇද දැමීමටයි.

පාර්ලිමේතුව හරහා හොඳින් හෝ නරකින් අනේක වාරයක් ජනපති පට්ටමට තරඟකිරීමේ අවස්ථාවල කෙසේහෝ ලබාගන්නා අපේ ෆියුරර් ගේ ඊලඟ ඉලක්කය වන්නේ සදාකාලිකව ජයග්‍රහණය කිරීමයි.

ඒ සඳහා දැනටමත් සෙන්පති ෆොන්සේකා දඟගේ දමා ඇති අතර යූ ඇන් පීයේ හම්බන්තොට තරුණ අශවයා පක්ශ රැස්වීම් වලට ෆියුරර් කාර්යාලයෙන් පිනටදුන් කාර් වලින් එන තරමට සිය පාලනයට නතුකරගෙන ඇත (හෝ එවැන්නක් වී ඇති බවට ඇස්බැන්දුම් පෙන්වා තරුණ අශ්වයාගේ නායක පට්ටම ලබාගැනීමේ හැකියාව අවම කරමින් සිටී )

රනිල සිටින තාක් no-game විපක්ස නායකතුමා වන නිසා, රනිල්ගේ නායකත්ව සටනට ෆියුරර් උරදෙන අතර රනිල් ජයාග්‍රහකයා බව දැනුනු මොහොතේ සිටි නැවතත් දේශද්‍රෝහී ලේබලය අලවනු ඇත. 

රනිල්ගේ සෙක්ස් ලයිෆ් එක ඇඳ යට සිටියාක් මෙන් ලියන ටැබූ ගේ බ්ලොග් මනෝමයන් (ඔහුම කියන අන්දමට ඔහු කතන්දර කාරයෙකි ) රූපවාහිනි මහගෙවල් වල හා ජාතික කේශනාලිකාවල වැඩිහිටියන්ට පමණයි ලේබලය යටතේ සාකච්චා වන්නටත් ඉඩ තිබේ. 

එවිට රනිල කපෝති වෙන අතර අලියා කතිරයෙන් පාර්ලිමේන්තු පැනගත් අය ෆියුරර්ගේ දෑත ශක්තිමත් කිරීමට පෝලිමේ යාමත් සමග යූ ඇන් පීය බෝඩ් ලෑල්ලක් වනු නොඅනුමානය.

මේ උපක්‍රම වලින්, ෆියුරර් තුමා ඉදිරියේ එන සෑම ජනමත විමසුමක්ම තමා තනිවම දුවන රේස් එකක් බවට හරවාගනු ඇත.

එවිට රාජපක්ශ රෙජිමය සැබෑ ලෙසම සරම අඳින, බුලත් කන, අමෙරිකන් ග්‍රීන් කාඩ් හිමියන් මෙහෙයවන ආරිය සිංහල රයිකය වනු ඇති අතර පංසල්වල වාසය නොකොට, වාසු සමනය කල අසපුවල රතිවතියන් සමග නිවනට මග සොයන තලේබාන් ගණින්නාන්සේලා කුරහන් වර්ණ සිවුරු පිරිකර හැඳගෙන සාධුකාර දෙනු ඇත. 

ඔස්ට්‍රේලියන් පී.ආර් ඇති ෆොලිස්පතිලා සිය ගෝලබාලයෝ සමග මුහුදු වෙරළවල්වල වැටකෙයියා පඳුරු පීරමින් අසංවරව හැසිරෙන ජෝඩු සොයමින්, ඉරිදාට ටියුසන් දෙන මාස්ටර්ලා අල්ලමින් කල් ගත කරනු ඇති අතර කුඩා දුටුගැමුණුගේ ගෝලයින් කිරිබත්ගොඩ පොලේ තිතට මත විකුණනු ඇත. 

නට්සි ජර්මන් ෆියුරර් හා ආඩම්බරකාර තාත්තා.

නාසි ජර්මානුවන් සිය නායකයා හැඳින්වූයේ ෆියුරර්  (Führer) යන යෙදුමිනි. ෆියුරර් යනු ජර්මන් බසින් නායකයා, මග පෙන්වන්නා නැතහොත් පියා (තාත්තා) යන්නයි.

නට්සි ජර්මානුවන් සිය රාජ්‍ය නායකයා වුනු ඇඩෝල්ෆ් හිට්ලර් ෆියුරර් හෙවත් ජාතියේ තාත්තා ලෙස හැඳින්වූ අතර ජර්මන් රාජ්‍යය හැඳින්වූයේ ෆාදර්ලෑන්ඩ් හෙවත් පීතෘභූමිය ලෙසය.

මේ අනුව නට්සි ජර්මන් පීතෘභූමියේ ආඩම්බරකාර තාත්තා වූයේ ඇඩෝල්ෆ් හිට්ලර්ය.

මේ විස්තරය කියවන ඔබට, අපටත් ආඩම්බරකාර තාත්තෙක් සිටිනා බව මතක්වෙනු ඇත. මේ තාත්තාට ජාතිය නිදහස් කරගත් සදාදරණීය නායකයා, නිවට බවට පත්වී, ලොව බටහිර බලවතුන්ගේ දෙපා ලෙවකමින් සිටි ජාතිය කකුල්දෙකෙන් නැකිට්ටුවා හිටැවූ දේශප්‍රේමී නායකයා ලෙසද හඳුන්වනු ලබයි.

ඒ නිසාම අපේ මේ නායකයාට විරුද්ධවෙන අය බටහිරගැති, කොටි හිතවාදී කුමණ්ත්‍රණකරුවන් ලෙස හංවඩු ගැසෙන අතර ඔවුන් විනාශ කිරීම ජාතියට කරන සේවයක් ලෙසද සැලකේ.

පුදුමසහගත ලෙස නට්සීන් සිය නායකයා වුනු ඇඩෝල්ෆ් හිට්ලර් ෆියුරර් තුමාව හැඳින්වූයේ ජර්මන් ජාතිය දෙපයින් නැගිට්ටවූ සදාදරණීය නායකයා ලෙසටයි.

පලමුවැනි ලෝක යුද්ධයෙන් පැරදුනු ජර්මනියේ යුධවැදීම නිසා විනාශවුනු සිය රටවල් වලට ජර්මනිය වන්දිගෙවියයුතු බවට තීර්ණය වුනු අතර යුද්ධයෙන් පැරදී විනාශ වුනු ජර්මනියට හුස්මක් ගැනීමටවත් ඉඩ නොදී කෝටි ප්‍රකෝටි ගණනින් මහත්වූ වන්දියක් ගෙවීමට බලකරන ලද්දේ යුධ ජයග්‍රහකයින් වුනු ප්‍රංශය, මහා බ්‍රිතාන්‍යය වැනි රටවලුයි.

මේ නිසා ජර්මන් පුරවැසියන් හාමතේ සිටිද්දී කෝටිගණනින්  ධනය පිටරටවල ඇදීගිය අතර වන්දි ගෙවා ගත නොහැකිවුනු විට ප්‍රංශය වැනි රටවල් ජර්මනියට කඩා වැදී ජර්මනියේ කාර්මික නිශ්පාදනයේ හදවත බඳුවුනු රූර් නිම්නයේ කර්මාන්තශාලා පවා ගලවාගෙන තම රටවලට ගෙනගියා.

මේ අවමානය ජර්මානුවන් මහත්වූ ක්‍රෝධයෙන්, එහෙත් කරකියාගත දෙයක් නොමැතිව බලාසිටි අතර ඇඩෝල්ෆ් හිට්ලර් මෙම නින්දිත ගිවිසුම් අහෝසිකොට දමා ජර්මනියට මදිපුංචිකම් කල සියලුරටවල් වලින් පලිගන්නා බවට ශපතකොට යුධ ප්‍රකාශකලේය

සටන්විරාම ගිවිසුම අත්සන්කිරීමෙන් අපට සිදුවූයේද මෙවැනිම නවනිග්‍රහයක් බව අමුතුවෙන් කිවයුතු නැත. හමුදාව බැරැක්කවලට සීමාකොට සිටියදී කොටියාගේ සියලුකොන්දේසි පිලිපදිමින් සටන් විරාම නිරීක්ශන කමිටුව නම්වූ කොටි හිතවාදී බටහිර සුද්දන් පිරිසකට යටත් වී සිටීමටයි අපට සිදුවූයේ.

ජර්මනිය මහත්වූ අන්තර්ජාතික පීඩනයකට හසුකල වාර්සෙලීස් ගිවිසුම මගින් ජර්මනියෙන් බලෙන් වන්දි ලබාගැනීමට යාම තුලින් ජර්මන් ජාතියේ ගැලවුන්කරුවා ලෙස එකල සැලකුන හිට්ලර් රජවීමට මංපෑදුනා සේම සටන්විරාම ගිවිසුමින් මෙරට ජනයාට ජීර්ණය කරගත නොහැකිවුනු බටහිර බලපෑම් හා කොටි ත්‍රස්තාවාදීන්ගේ සැහැසිකම් නිසා ආඩම්බරකාර තාත්තාට රජවීමට මංපෙත් හෙලිවුනි.

දේශප්‍රේමී රයිකයේ ගොබෙල්ස් සොයාගැනීම

ආචාරිය ගොබෙල්ස් හඳුනාගනිමු

18වැනි සියවසේ රොමෑන්තික නාට්‍ය පිලිබඳව ආචාර්ය උපාධි නිබන්ධනය ලියූ ගොබෙල්ස් 1921 හිඩෙල්බර්ග් විශ්වවිද්‍යාලයෙන් ආචාර්ය උපාධිය දිනාගත්තේය. ලේඛකයෙකු හා නාට්‍ය අත්පිටපත් ලියන්නෙකු ලෙස ස්ථාවරවීමට ඉමහත් උත්සහයක් දැරූ ගොබෙල්ස්ගේ පොත් හා නාට්‍ය එකල ග්‍රන්ථ ප්‍රකාශකයින් හා නාට්‍ය නිශ්පාදකයින් විසින් ප්‍රතික්ශේප කිරීම නිසා  ජර්මානු කලා සංස්ථාපනය පිළිබඳ වෛරයකින් පෙලුනු ගොබෙල්ස් නාසි පක්ශය වෙත ඇදීගිය අතර කෙටිකළකින් එහි ඉහලටම නැගුනේ ඔහු දක්ශ කථිකයෙකු හා ප්‍රචාරකයෙකු ලෙස හිට්ලර්ගේ සිත දිනාගත් බැවිනි. 1933දී හිට්ලර් සමග ජර්මානු පාලන තන්ත්‍රයට ඇතුලුවුනු ගොබෙල්ස් නාසි ජර්මන් රජයේ ප්‍රචාරණය භාර ඇමතිවරයා (Reich Minister for Propaganda-රයික් මිනිස්ටර් ෆෝ ප්‍රොපගැන්ඩා) ලෙස පත්විය. මෙය අපේ නාසි රෙජිමයේ ජනමාධ්‍ය ඇමතිපට්ටමට වඩා බොහෝසෙයින් බලගතු පදවියකි.

රයික් මිනිස්ටර් ගොබෙල්ස්ගේ පලමුවැනි වැදගත් රාජකාරිය වූයේ නට්සීන් ප්‍රතික්ශේප කරන පොත්පත් හා නාට්‍ය පිටපත් ගිනිබත් කිරීමයි. මේ ගිනි පූජාව ජර්මනිය පුරාම ගොබෙල්ස්ගේ මග පෙන්වීමෙන් සිදුවිය. ගොබෙල්ස්ගේ දෙවැනි රාජකාරිය වුනේ නාසි ජර්මනියේ සියලුම ජනමාධ්‍ය, සිනමාව, නාට්‍ය නිශ්පාදනය, පොත්පත් මුද්‍රණය හා සිනමා කර්මාන්තය යනාදියේ පූර්ණ පාලනය සියතට ගැනීමයි. මේ තුලින් ජර්මන් ජනයා නාසි චින්තනයෙන් මුසපත් කොට ඔවුන්ගේ මොල සෝදා යුදෙව්වන් සමූළඝාතනය කලයුතුය, ජර්මනියේඔ බොහෝ ගැටලුවලට මුල යුදෙව්වන්ය යන හිට්ලර්ගේ මතය ජනතාව තුලට කාවැද්දීමට කටයුතු කලේය.

'මහා බොරුව ප්‍රචාරණ මූළධර්මය' - ගොබෙල්ස් නාසි ජර්මන් ප්‍රචාරණය සඳහා හඳුන්වාදුන් වැදගත්ම ප්‍රචාරණ මූළධර්මය වන්නේ 'මහා බොරුව ප්‍රචාරණ මූළධර්මය' හෙවත් බිග් ලයි ප්‍රොපගැන්ඩා ටෙක්නීක් (big lie propaganda technique)යන්නයි. බිග් ලයි ප්‍රචාරණ මූළධර්මයේ ප්‍රධාන ලක්ශණ පහත දැක්වේ;

1] බොරුව ඇදහිය නොහැකි තරමටම විශාලවන තරමට එය සත්‍යය යයි ඔප්පු කිරීම පහසුය. එයට හේතුව මෙවැනි විශාල බොරුවක් ප්‍රචලිත කිරීමට කිසිවෙකුත් උත්සහ නොකරන නිසා එය ඇත්ත විය යුතුයයි මිනිසුන් විස්වාසකිරීමට පෙළබීමයි.

උදාහරණ : ජෙනරාලගේ ජනපති ඝාතන කුමන්තරණ, ජෙනරාලගේ හමුදා කුමන්ත්‍රණය යන ඒවා බිග් ලයි හෙවත් විශාල ගණයේ බොරු ලෙස සැලකිය හැකිය. මේවා තදබල චෝදනා වන හෙයින, මොකක් හෝ ඇත්තක් මත මේ චෝදනා ගොඩනැගී ඇතැයි මිනිසුන් විස්වාස කරයි. එනම් මහම බොරු ඇත්ත කරවීම පහසුය.

එයට විසංසන්දනයක් ලෙස ජෙනරාල් හමුදා ටෙන්ඩර් වලින් මුදල් ගැරීම කුඩා බොරුවකි. හිටපු හැම හමුදාපතියාටම එල්ලවුනු චෝදනාවක් බැවින් බොරුවක් වුනත් ඒවැනි සාමාන්‍ය බොරු, එනම් ජනතාවට ඇත්ත යයි පිලිගැන්නවීම අපහසු මෙන්ම, එවැනි චෝදනා මගින් කලහැකි බලපෑමද ඉතා අඩුය. මේ අනුව ගොබෙල්ස් බොහෝවිට පට්ටපල් බොරු ඇත්ත ලෙස මවාපාමින් නාසිවාදය හා හිට්ලර්වාදය ප්‍රචලිත කිරීමේ නිරතවුනු අතර එම ව්‍යායාම ඉතා සාර්ථක විය.

තව උදාහරණයක් නම් කොම්පියුටර් ජිල්මාට් වලින් චන්දය දිනුවා යන්නයි. මෙය බොරුවක්ද ඇත්තක්ද යන්න ගැනවත් විස්වාසයක් නැත. එහෙත් බොරුවක් නම් එය මහාබොරුවකි, ඒත් සෝමවංශ මහතා කළ ඒ චෝදනාව අතිබහුතරයක් රාජ්‍යවිරෝධී ජනතාව පිළිගැනීමට සූදානම්ය. ඇයිද යත් 'මොකක් හරි ඇත්තක් තියෙන්න ඕනෙ, නැත්නම් මුළු රටම ජෙනරාල්ට තියෙද්දී ලොක්කා කොහොමද දිනුවේ?' යන ගැටළුව පැනනගින බැවිනි. රාජපක්ශගේ වාසනාවට (ජෙනරාල්ගේ අවාසනාවට ) රන්න පොනිල් විපස්ස නායකයාට කිසිම දෙයක උවමනාවක් නැති කරුමය වාසියට හිටියේය. නැත්නම් ඒ මහා බොරුවෙන් රටම ගිනියම් කොට රාජපක්ස නාසිවාදයට මහත් බලපෑමක් කොට මහචන්දයේදී චන්ද අඩුකිරීමේ (පැරදවීමේ නොව දිනුම අඩු කිරීමේ) අවස්ථාවක් තිබුණි.

2]මහා බොරුව ඇත්ත කිරීමට කළයුත්තේ එය බොහෝවාරයක් පුනරුච්චාරණය කිරීම හා සමාජයේ පිලිගත්තවුන් ලවා එය විවිධ ආකාරයෙන් ප්‍රචාරනය කරවීමයි. රාජ්‍ය මාධ්‍ය, ආණ්ඩුවේ කුළී පෞද්ගලික මාධ්‍ය හා හාමුදුරුවරු, කළාකරුවන් හා විවිධ විද්වතුන් යයි පිලිගන්නා මිනිසුන් ලව්වා ආණ්ඩුව කරන්නේ මෙයම නොවේද? විපක්සය නොකරන්නේත් මෙයම නොවේද? විපක්සයට සහයට ප්‍රසිද්ද ප්‍රකාසයක් කිරීමට එක හාමුදුරුනමක් හොයාගන්න ලංකාවේ ලොකුම හා පැරණිම දේශපාලන පක්ශයට අද හැකියාවක් තිබේද?

සිංහල නාසි රයිකයේ ගොබෙල්ස්?

ගොබෙල්ස් පිලිබඳ ඉහත විස්තරය කියවන ඔබට ලංකාවේත් ගොබෙල්ස් න්‍යායන් ක්‍රියාත්මක වන බව ඉතා පැහැදිලිය. එහෙත් කවුද රාජපක්ස ෆියුරර්තුමාගේ රයිකයේ (රාජාණ්ඩුවේ) ගොබෙල්ස්? අපි රාජපක්ස රයිඋකයේ කසකරුවන් එකින් එක ගෙන බලමු.

*] විමල් වීරවංශ?

ගොබෙල්ස් මෙන්ම තර්කාණුකූලව දක්ශලෙස ජන වින්ඥානයට කාවැදිය හැකි ලෙස ජනතාව ඇමතීමේ සහජ දක්ශතාවයකින් යුතුය. කොන්දේසි විරහිතව රාජපක්ස ෆියුරර්තුමාගේ සියලු අඥාන ක්‍රියා සාධරණීකරණය කරයි. ගොබෙල්ස්ගේ පොත් ගිණිතැබීම්, සියලු ගැටලුවලට මුල යුදෙව්වන්ය, ජර්මන් ජාතිය විනාසක්මිරීමට විදේශීය බලවේග කැස කසකවයි යන තර්ක ඉතා හොඳින් භාවිතා කරයි.

එහෙත්;

ආචාර්ය ගොබෙල්ස් මෙන් නොව විමල් ග්‍රාමීය, පහල ප්‍රමාණයේ උගත්කමකින් යුතුය. රටේ ඉතිහාසය, ලෝක ඉතිහාසය මෙන්ම විද්‍යා කළා ආදිය පිළිබඳ උසස්පෙල සමතෙකුට වඩා දැනුමක් නැතිබව කතාවෙන් මෙන්ම ක්‍රියාවෙන්ද පෙන්වා ඇත. ගොබෙල්ස් ට මෙන් සියලු මාධ්‍ය හා කලාවන් හැසිරවීමේ හැකියාවක් නැත. (ලන්කා සයිබර් නිවුස් වෙබ් පඩංගුව හැරුණුකොට). උදර පෝශණය අංක 1හි ලා සලකයි.

විමල් ජනපතිටත් වඩා ගෑණිට බයය. ගොබෙල් එලිපිටම පරස්ත්‍රී සේවනයේ යෙදුනේය. ඒ සම්බධයෙන් හිට්ලර් දුන් අවවාද පවා පිළිනොගැනීමට කොන්දක් තිබුනේය. විමල්ට නැත්තේද කොන්දක්මය. මොළයේ අඩුවද තදින් බලපායි.

ජර්මානුවන්හට ගොබෙල්ස් මෙන් නොව බොහෝ ශ්‍රී ලාංකිකයින්හට, රාජපක්ශගේ ඇමතිවරුන්හට පවා (අන්ධ රාජපක්ශවාදීන් හැරුනකොට) විමල් වීරවංශ පල් මෝඩයෙකි, කාඩ් බෝඩ් වීරයෙකි, ආත්ම වංචනික වාචාලයෙකි. මහින්ද රාජපක්ශ පවා වීරවංශට සලකණුයේ නැතුවබැරි කුණුගොඩක් (necessary evil) ලෙසට බව ඇමතිපට්ටම් බෙදීමේදී පැහැදිලිවිය.

*] හෙළ උරුම ගිහියන්/පැවිද්දන්

උගත්කමින් වීරවංශට වඩා වැඩිය. ලෝකය ගැන, රාජ්‍යතන්ත්‍රය ගැන ලෝක දේශපාලන යථාර්තයන් ගැන යම් පරිණත දැනුමක් ඇතිබව වීරවංශ උපවාස කරද්දී මොවුන් හැසිරුණු ආකාරයෙන් පෙනේ.

එහෙත්,

ගොබෙල්ස් සතුවුනු සියළු මාධ්‍ය/කලා ප්‍රචාරණය පිලිබඳ පාලන බලයෙන් අබැටක් වත් මොවුන්ට නැත. රාජපක්ශගේ අනුග්‍රහය නැතිවුනහොත් මොවුන්ට යටඇඳුම / අඳනකඩය පවා අහිමිව උපන් ඇඳුමෙන් දුවන්නට වනු ඇත.

*]බැසිල්, ඩලස් කෙහෙලියාදීන්

මොවුන්ටද ගොබෙල් සතුවුනු වාග් චාතුර්‍යය, උගත් බව සාහිත්‍යකළාදියේ දැනුම හෝ ප්‍රචාරණය හා මාධ්‍ය මෙහෙයවීමේ බලය නැත.

එහෙනම් කවුද රාජපක්ස නාසි රයිකයේ ගොබෙල්ස්?

ඇත්තටම කියනවානම් මට පෙනෙන ආකාරයට ගොබෙල්ස් කෙනෙක් නැත, ගොබෙල්ස් න්‍යායන් ක්‍රියාත්මක කරන උදරපෝශකයින් (පරපෝශිතයින්) රොත්තක් පමණක් සිටී. මේ රොත්ත රාජපක්ශ සතු සියල්ල පාලණයකිරීමේ හැකියාව උපයෝගීකරගනිමින් රාජපක්ශව පුම්බන අතරම හොඳින් බඩකටද පුරවාගනිමින් පරම්පරා කිහිපයකට සරි කරගනිති. එහෙත් මුන් ගොබෙල්ස් හට ඉටිපන්දමක් හෝ ඇල්විය නොහැකි මාධ්‍ය ගණිකාවන් රැලක් පමණි. නිවට විපක්ශය නිසාම මුන් යහතින් සිටී. මොළේතියන වැඩකාරයෙකු මෙහෙයවන විපක්ශයක් තිබුණේනම් මුන්ට ගහලා පන්නන්නේ රාජපක්සමය. ඒ මුන් රාජපක්සව එතරම්ම අමාරුවේ දමන බැවිනි.

නට්සිවාදය යනු කුමක්ද?

Nazism නොහොත් National Socialism හෙවත් ජාතික සමාජවාදය යනු ජර්මනියේ නාසි (නට්සි) පක්ශය විසින් හදුන්වාදී ප්‍රචලිත කරන ලද දේශපාලන දෘශ්ඨිවාදයකි.

නට්සිවාදයේ න්‍යායාත්මක අක්මුල් ඉතාලියේ බෙනිටෝ මුසොලිනී හඳුන්වාදුන් ෆැසිස්ට්වාදයෙහි පවතින අතර ඇඩෝල්ෆ් හිට්ලර් බෙනිටෝ මුසොලිනිගේ ෆැසිස්ට්වාදී චින්තනය මහත්සේ අගයකල අතර හිට්ලර් ෆැසිස්ට්වාදයේ මූලික සංකල්ප සියල්ලම ඒ අයුරින් පවත්වාගෙන ජර්මානුකරණය වුනු ෆැසිස්ට්වාදී චින්තනයක් නාසිවාදය ලෙස විසින් ජර්මනියට හඳුන්වාදුන්නේය.

අන්ත දක්ශිණාංශික දෘශ්ඨිවාදයන් දෙකක් ලෙස සැලකෙන ෆැසිස්ට්වාදයේ හා හිට්ලර්ගේ නාසිවාදයේ මූලික හරයන් මෙසේ දැක්විය හැකිය.

1. ජාතියක් (නේශන්) යනු ශරීරයක් වැනි ඓන්ද්‍රීය (ඔර්ගැනික්) ව්‍යුහයකි. මෙහි යහපැවැත්ම සඳහා ශක්තිමත් නායකත්වයක්ද, පොදු අනන්‍යතාවක් මෙන්ම ජාතියේ පැවැත්ම තහවුරු කරගැනීම සඳහා ඕනෑම මොහොතක සටන්කිරීමේ හා යුදවැදීමේ කැමැත්ත හා හැකියාව තිබිය යුතුය.

2.  පුද්ගලවාදය (individualism)තරයේ ප්‍රතික්ශේප කරන අතර ජනයා විසින් සිය පුද්ගලික නිදහස හා අභිමථාර්ත ජාතියේ පැවැත්ම වෙනුවෙන් කැපකල යුතුය.


3. ජාතියේ පැවැත්ම හා සමාජයේ ඒකිය භාවය (social unity) ආරක්ශාකරගැනීමට ඒකාධිපති රජයක අවශ්‍යතාවය තහවුරු කෙරුණු අතර තනි පක්ශයක් විසින් රට පාලනය කලයුතු බව විශ්වාසකරයි. 


4.ෆැසිස්ට් චින්තනය එක රටක් තුල වෙනත් ජනවර්ග සඳහා මොනයම් ආකාරයක හෝ ස්වයංපාලයක් (අපට හුරු ආකාරයට කියනවානම් බලය බෙදීමක් ) සිදු නොවියයුතු බවට විශ්වාසකරන අතර එවැනි බලය බෙදීම සඳහා කරන ඉල්ලීම් ජාතියේ පැවැත්මට තර්ජනයක් ලෙස සලකයි.

5. ෆැසිස්ට් රාජ්‍යය තුල ජීවත්වන සියලුජනවර්ග මහජාතියට (ඉතාලි හෝ ජර්මන්) ස්වීකරණය (උරාගැනීම/අනුගතකරගැනීම) වියයුතුබ අවධාරණය කෙරෙන අතර එසේ කැමැත්තෙන්ම සිය අනන්‍යතාවය දියකරගැනීමට අකමැති ජනවර්ග ජාතියට සතුරු ජනවර්ග ලෙස සලකා පිටුවහල් කිරීම, විනාශකිරීම හෝ බලහත්කාරයෙන් ස්වීකරණයට ලක් කිරීම සිදුකල යුතුය . 


(හිට්ලර් ජර්මනියේ සුලුජාතින් වුනු යුදෙව්වන්ට හා ජිප්සීන් වැනි වෙනත් ජනවර්ග වලට ලබාදුන් අවසන් විසදුම ගෑස් කාමර හා වහල් වැඩකඳවුරු බව ඔබ දන්නවා ඇත. මෙය ෆැසිස්ට් හා නාසි චින්තනයට අනුව නිවැරදි ක්‍රියාමාර්ගයයි.)


6.ෆැසිස්ට් හා නාසි ආර්ථික චින්තනය අනුව එය ධනවාදයට හා කොමියුනිස්ට්වාදය යන ආර්ථික ක්‍රම දෙකටම වෙනස් තුන්වන ක්‍රමයක් හඳුන්වා දෙයි. මේ අනුව රාජ්‍යයට ප්‍රයෙඔජනයක් නොමැති තනිකරම ලාභ අපේක්ශාවෙන් සිදුකරණ ව්‍යාපාර මෙන්ම ඉතා අකාර්‍යක්ශම කොමියුනිස්ට් ක්‍රමය වන රජය මගින් සියලු ව්‍යවසායන් පවත්වාගැනීම යන දෙකම ප්‍රතික්ශේප කරයි.

මේ ආර්ථික ප්‍රතිපත්තිවල අවසන් ප්‍රතිපලය වන්නේ ෆැසිස්ට් හා නාසි පක්ශවලට අනුගතවූ, එම පක්ශවල පැවැත්මට නොමසුරුව ආධාරදෙන ව්‍යාපාරිකයන්හට ව්‍යාපාර පැවැත්වීමේ ඒකාධිකාරය හිමිවීමයි.